菲妮公主事件簿

小公主老師安排所有小朋友吃午餐。

小公主很喜歡吃蒸水蛋, 所以媽咪咪對蒸水蛋都有啲心得。而爸bu跟小公主一樣都係無肉不歡。於是有日媽咪咪就試吓蒸猪肉加蛋。第一次估唔到又幾好喎。

做法:

1. 大約1/3磅攪碎的梅頭猪肉。(鍾意可以自己剁)

2. 用沙糖﹑豆粉﹑生抽﹑油和水略醃。

3. 然後將肉薄薄舖在碟上, 大火, 水滾後隔水蒸約八分鐘。

4. 雞蛋兩隻, 拌勻加一百毫升涷滾水。(其實幾多蛋都可以, 每一隻大蛋加五十毫升水便可)

5. 猪肉蒸好後取出, 把多餘水份倒去, 加上蛋液,

6. 用鍚紙把碟面蓋上, 放入滾水再隔水蒸兩分鐘後, 關火。

7. 不要立即將猪肉蛋。待八分鐘後才開蓋把猪肉蛋取出。加生抽。

8. 食。

如只蒸水蛋:

1. 雞蛋四隻, 拌勻加200毫升水。

2. 用鍚紙把碟面蓋上, 放入滾水再蒸兩分鐘後, 關火。

3. 不要立即將蛋取出。待八分鐘後開蓋把蛋取出。加生抽。

4. 食。

每個火爐火力唔同, 要試一兩次才可以掌握到架!

小公主近日令媽咪咪笑死嘅語錄。

******

媽咪咪幫小公主沖涼時, 發現小公主腳板底好髒……

媽咪咪: 「嘩, 乜你對腳咁dirty架?」

小公主: 「梗係啦, 妳都無吸塵, 又無拖地!」

******

媽咪咪: 「你估姨婆錫妳多啲, 還是嫲嫲錫妳多啲?」

小公主諗咗一陣: 「媽咪咪錫我多啲!」

******

爸bu正在兒童床上陪瞓中……

爸bu: 「妳今晚唔好過嚟大人床瞓喇!」

小公主:「我等你地瞓咗, 我就過嚟大人床瞓咪得囉!」

講完仲要奸笑一下。

(事實上如果媽咪咪和爸bu都已就寢後, 而小公主又半夜醒來, 媽咪咪係會比佢瞓過去大人床。)

******

小公主跟爸bu在玩睇中醫……

爸bu正伸著手問小公主:「係唔係要把脈呀?」

小公主中醫師:「唔係, 要講啲嘢先 (即要講咗病徵先)。」