你咪屈我!
五月 29, 2008 at 00:37 | In 媽咪咪無聊事件薄, 戶外活動 | 2 CommentsTags: 食, 餅餅
一天媽咪咪帶小公主去playgroup途中 小公主: 餅餅 媽咪咪就一手推車, 一手在奶粉袋內找找找小公主那餅盒(如圖) 媽咪咪:嗱, 你好好渣住個盒, 跌咗就無得吃架啦! 行咗一陣, 媽咪咪貢去前面睇下, 見小公主一身係餅, 仲用個肚腩兜住D餅。 媽咪咪: 哎呀!咁唔小心? 跌晒出o黎! (嗱! 媽咪咪要強調, 媽咪咪當時係用好溫暖o既語氣, 一面將餅餅放番入個盒度) 小公主: bump!(身體輕微跳一下, 手指指一指D餅) 跌呀! 媽咪咪: 啊, 架車車跳, 所以餅餅跌咗出黎呀! 因為媽咪咪成功解讀小公主密碼, 小公主就興奮地輕微跳多兩下, 仲一面講bump bump。 
親愛的, 那不是愛情
五月 26, 2008 at 23:37 | In 媽咪咪無聊事件薄 | 2 CommentsTags: 愛情, 歌
近期十分十分喜愛的一首歌, 雖然我不太喜歡周董, 但這首曲真的令我感動, 加上張韶涵的歌聲, 正正正!
出trip恩物
五月 23, 2008 at 02:05 | In 媽咪咪無聊事件薄, 戶外活動 | Leave a CommentTags: 旅行, 沖涼
帶小朋友去旅行真係要帶好多o野: 玩具，衫褲鞋襪當然唔少得；未識自己去洗手間就要帶片片；未食得大人食品就要帶奶奶，baby food等。而我好想推介一個帶小朋友出trip恩物，就是這個吹氣o既沖涼盆(按個鴨咀仲會quack quack聲)。
photo captured from http://www.munchkin.com
酒店通常只有浴缸或者花灑頭(高高的掛在牆上)，在公眾浴缸浸浴有幾危險，相信唔洗我多講；要用花灑頭幫baby沖涼，D水＂蓬蓬＂聲，嚇親baby之餘又高難度。有咗這個吹氣o既沖涼盆，出trip幫小朋友沖涼就方便D嘞。
其他同類產品：
Especially For Baby
Safety first
Summer
在自己床瞓
五月 20, 2008 at 00:52 | In 成長篇 | 8 CommentsTags: 瞓
已經係第六日,小公主在自己床瞓天光,希望可以keep住。知道有小靈精都係唔肯自己瞓，就等我公開我o既方法，跟大家交流吓！
由於小公主張床响爸bu張書枱附近，於是媽咪咪安排小公主在大人床食奶，聽故事，之後媽咪咪就坐响床邊等小公主睡著，之前試過瞓响隔離係唔得work，又計劃將來會越坐越遠，直至小公主可以完全唔洗媽咪咪陪瞓。有時小公主都想媽咪咪抱住瞓，遇到呢Ｄ時候，媽咪咪就抱佢一兩分鐘，之後放番佢落床，叫佢自己瞓；如果真係唔得，就拖住佢隻手，總之將身體接觸減到最少。
等佢瞓著大約一兩個鐘，就幫佢著睡袋，抱佢去自己床。之前喱個步驟經常出事，小公主一醒咗就唔肯去自己床。於是媽咪咪就諗咗個辦法，就係爬入去小公主張床陪佢，等佢瞓咗之後爬番出o黎。
第一晚，爬入去陪佢瞓咗之後爬番出o黎，OK；第二晚，喊咗好耐，手指指要番大人床，媽咪咪堅持咗兩個鐘，小公主放棄，累極入睡；第三晚開始，媽咪咪都唔洗再爬入去張床陪佢，小公主冇再扭計，响自己床瞓天光；今晚已經係第六晚，希望從此唔洗再食無影膷。
七分褲
五月 19, 2008 at 22:58 | In 成長篇 | Leave a CommentTags: 高
在小公主未滿一歲時, 媽咪咪買咗幾條七分褲比小公主; 其實買o既時間見靚就買, 返到屋企睇真D, 先知係七分褲。於是當長褲咁比小公主照著。這幾天熱都咩咁, 就再比小公主著番, 睇佢真係高咗好多吖!
又點解咁熱都唔著裙或短褲呢? 試過有日著裙, 但小公主行路又唔小心, 結果膝蓋擦傷了少少, 所以就著七分褲穩陣d!
揍仔三年傻
五月 12, 2008 at 02:55 | In 媽咪咪無聊事件薄 | 3 CommentsTags: 媽咪咪, 揍仔
阿婆都成日講話揍仔三年傻，今晚我看見了。
晚上外出食飯，看見一家三口，跟我們一樣兩大一小，小的一歲半，比小公主細一丁點。她們一坐下，在小女孩的扭計聲中，我聽見女的說叫這個快些。中途那位媽媽離席一會兒，原來去買吃的給小女孩；只見那位媽媽匆匆忙忙吃完，就餵給小女孩吃。離開前，那位媽媽去洗手間，那位爸爸就把女兒放上嬰兒車，但女兒又嚷著要摸摸櫈………
而我們呢，一面要留意小公主有冇在高櫈上企高，又要留神佢手上對筷子有冇篤到佢眼睛………試過有一次叫咗杯檸茶，侍應把檸茶送上後，我把糖放落杯普通茶內而非檸茶！
我把那位媽媽看在眼裡，好像看到自己，傻婆一個！要照顧個人仔又要照顧自己儀態，真係唔易。所以請你們看見好像我這些傻婆，請報以支持o既眼光。
你都冇講!
五月 11, 2008 at 23:49 | In 媽咪咪無聊事件薄, 家居篇 | 4 CommentsTags: 爸爸, 食
背景: 媽咪咪看完CATS回家後一小時，在廚房發現食剩的乳酪在小公主隻飲管杯中
媽咪咪: 吓! Ｄ乳酪係用匙食, 唔係用飲管飲架喎!
爸bu: 你都冇講!
媽咪咪: ……………
唉!都好難怪每次媽咪咪不在家, 小公主都會絕食o既!
Blog at WordPress.com. | Theme: Pool by Borja Fernandez.
Entries and comments feeds.
