以其人之道, 還治其人之身。
八月 31, 2008 at 23:13 | In 成長篇 | Leave a CommentTags: 未得
媽咪咪: 菲妮, 沖完涼啦, 企起身啦。
正在玩水的菲妮: 未得呀!
爸bu: 菲妮, 過嚟, 換衫啦!
正在玩玩具的菲妮: 未得呀!
菲妮: 媽咪, come on, come on here!
正在上網中的媽咪咪: 未得呀!
小公主兩歲生日(上)－節目篇
八月 26, 2008 at 01:57 | In 成長篇 | 6 CommentsTags: Berkeley, 焗蛋糕, 生日, USA, 兩歲, 契爺, 契嫲嫲, 準契媽
小公主兩歲了, 節目多多, 媽咪咪忙足成個星期, 忙到成個星期都冇update個blog。
首先媽咪咪得到小公主唔攪亂當”幫忙”嘅情況下, 做咗啲flower (紙花), 响生日當天送比playgroup嘅小朋友。
生日當晚跟契爺, 契嫲嫲和準契媽食自助餐。契嫲嫲係同小公主同一日生日啊!所以一齊切蛋糕。
食飯期間, 準契媽幫忙帶小公主去行吓, 結果梗係攪到契媽一頭煙啦, 最後要爸bu出動, 帶返佢返餐廳。
至於生日會, 媽咪咪就諗咗好耐攪唔攪, 媽咪咪覺得始終小公主得個兩歲人仔, 唔洗咁舖張; 不過話晒佢都有兩個friends, 又都要比佢知吓生日係咩嚟。於是星期日媽咪咪為她邀請咗兩個朋友仔, 仲有S姐姐, 契爺, 契嫲嫲和準契媽, 在一個公園開生日會。
結果為咗個party, 媽咪咪真係忙到一頭煙, 首先要搵地方, 再去探路; 決定咗地方就請朋友, 諗吓食咩; 然後買東西(例如: 飲品﹑小食﹑汽球﹑紙杯﹑紙碟), 準備食物: 做蛋糕(媽咪咪自己焗個蛋糕, 仲打埋cream), 定壽司, 焗雞翼, 煮蕃茄字母粉, 煮粟米。真係做到隻野咁。好在最後大家都玩得好開心, 辛苦D都抵。
真係要多謝兩位小朋友嘅家長山長水遠都帶小朋友來臨; 又要多謝契爺和準契媽有節目都嚟玩吓; 契嫲嫲唔止來臨, 仲陪小公主玩咗好耐, 比媽咪咪偷吓懶; 特別嗚謝S姐姐唔留低都特登過嚟車我地去公園。
下一篇就講吓小公主收咗嘅禮品。
捉蟹
八月 19, 2008 at 14:39 | In 戶外活動 | 1 CommentTags: Berkeley Marina, 美國, 蟹, 契爺
上星期日跟契爺, 契嫲嫲和準契媽去飲茶, 由於大師姐-S姐姐, 已經到埗, 所以就約埋一齊去, 地方係一間海邊嘅酒樓, 個view好靚, 食物仲好有水準。食飽飽後, 仲可以海濱散步。
在此特別多謝S姐姐載我們啊! Thank you so much!
之後契爺有朋友約捉蟹問我們要唔要一齊去, 一向貪玩嘅媽咪咪當然話好。至於點捉蟹? 用條繩挷住個籮, 再响裡面放兩隻雞腿, 將個籮放入水裡15分鐘, 拉番上嚟就見到一隻隻蟹口响個籮裡面。
遇到有啲BB蟹, 就唔攞出嚟, 放番落去做餌。
小公主都覺得好好玩咁, 仲要學我地拉住條繩。
不過海邊好大風, 所以我地玩咗一個鐘就走先, 契爺話佢地最後有廿幾隻攞走(細隻嘅最後會放生)。
媽咪咪最開心莫過於……
八月 19, 2008 at 03:29 | In 媽咪咪無聊事件薄 | Leave a CommentTags: 開心, 媽咪咪
作為一個阿媽又係人地老婆, 最開心莫過於見到咁嘅場面:
幾辛苦都唔記得晒啦!
宜家傢俬
八月 17, 2008 at 23:37 | In 戶外活動 | 5 CommentsTags: 玩, 美國, 食
去宜家傢俬唔一定係買野, 媽咪咪好鍾意去食野, 佢D肉丸好好味; 另外媽咪咪更覺得那裡很啱玩, D玩具擺晒出嚟任玩唔在講(衛生問題唔講), 又有一個個陳列室, 滿足晒小公主開柜門呀, 攪攪鎮, 試吓喱樣果樣嘅性格。
今早媽咪咪就帶小公主去宜家, 到埗先食個早餐, US$2, 超抵!
由於媽咪咪之前同小公主講有得食薯條, 所以佢一見到個D條狀嘅多士, 就以為係薯條。媽咪咪冇心欺騙小公主, 只係早餐時段冇薯條買, 唯有將錯就錯囉。我地玩完一輪之後真係有食噃薯條架。
食飽飽就玩﹑玩﹑玩。
一開始小公主之所以拍手, 相信係因為排好咗D櫈。另一方面, 小公主好擔心其他小朋友喊架!
小公主梗係樂而忘返。
主見
八月 15, 2008 at 01:08 | In 媽咪咪無聊事件薄, 家居篇 | 3 CommentsTags: 野蠻, 性格
小公主係一個好有主見o既小朋友, 近日這個性格快要把媽咪咪迫到癲。叫佢做D乜, 佢都唔理, 只會繼續做佢自己o既事, 無論你等幾耐, 到公主有心情先會蘇你, 甚至到最後到唔蘇你。有時氹到煩, 都忍唔住要鬧。
另一方面, 佢要o既o野, 你一定要做; 佢想做o既又一定要做到, 例如: 小公主要你玩卡卡, 你一定要玩, 仲要坐响佢指定地方; 佢要行o果條路, 你一定要比佢行；佢問你好冇? 係冇得話唔好。唉, 我自問都唔係咁獨裁吖, 都唔知小公主會咁野蠻。
忙
八月 14, 2008 at 22:57 | In 媽咪咪無聊事件薄 | Leave a CommentTags: Harry Potter, 奧運, 忙
近日爸bu比較忙, 要用電腦, 而媽咪味忙著看奧運之餘又要追看Harry完結篇, 所以博客業務停滯不前。
專心一致地玩
八月 11, 2008 at 22:31 | In 戶外活動 | Leave a CommentTags: 玩, 遊樂場
有習慣帶小公主去遊樂場時替她拍照, 影她專心一致地玩或是為所能做到的而喝采。這些都是近日影得比較滿意的。
交響樂音樂會
八月 9, 2008 at 02:56 | In 成長篇, 文化藝術 | Leave a CommentTags: UC Berkeley, 戒片, 交響樂
今晚媽咪咪得知音樂學院有交響樂音樂會, 仲要免費入場, 媽咪咪就決定帶小公主去試吓聽。爸bu知道都話要一齊去, 媽咪咪好開心。
開場前, 小公主要求周圍走, 算, 由妳! 又想坐前D, 呢個真係唔得, 萬一妳聽聽莓吓發難, 好難走喎! 開場啦, 小公主落力地鼓掌, 靜靜地, 認真地聽, 樂章完結又大力拍手。媽咪咪心裡暗喜, 諗住點都可以聽到中場休息。點知第二個樂章開始冇耐, 小公主又要求要行街, 我地唯有無奈地行出演奏廳, 聽真D小公主個要求, 原來係想尿尿, 雖然小公主响屋企基本上都唔洗用片, 但出街都無試過要求尿尿。媽咪咪又即管試吓帶小公主去洗手間, 咦, 真係得喎。媽咪咪同爸bu開心到呢!
尿尿完, 諗住帶小公主走, 點知佢想再入去聽音樂, 障於怕她响人奏奏吓, 又話要行街, 爸bu建議下次再試 (根據爸bu o既資料, 這類免費演奏會好多時都有)。媽咪咪左氹右氹先叫到小公主離開。
今晚, 小公主雖然只聽咗半個鐘, 但話晒都係第一次聽演奏會, 算是順利完成啦! 仲有爸bu唔怕悶, 一齊去。加上小公主在街上也識要求上洗手間, 戒片成功指日可待。媽咪咪很是高興, yeah!
Fairyland – Oakland
八月 5, 2008 at 00:46 | In 戶外活動 | 1 CommentTags: fairyland, Oakland
上回提到小公主很喜歡騎馬馬, 媽咪咪就帶她到附近一個用故事做主題的遊樂場, 一心諗住比小公主騎餐飽, 點知o個個騎馬馬要自己坐, 小公主唔夠高, 好失望啊!
（入口）
（睇鴨鴨） 
（坐火車）
（Hi, 火車）
幸好園內有一個比較小型o既騎馬馬, 小公主結果轉咗三四次, 盡興而歸。
（一隻懵猪—三隻小猪場景）
園內還有得做手工, 好開心。
（製成品）
Blog at WordPress.com. | Theme: Pool by Borja Fernandez.
Entries and comments feeds.
