菲妮公主事件簿

小公主兩歲後, 有一些事情明顯地進步了很多。

第一: 說話能力。好多時啲詞語或短句, 有人响佢面前講一次, 佢就可以講番出黎, 仲要响正確嘅時間講番出黎, (多數都係廣東話), 即明白詞語或短句嘅內容。

第二: 會開始講故事。看著經常叫媽咪咪讀的書, 喃喃自語地講故事, 可惜次次媽咪咪想要錄低時, 都被發現, 失敗而回。

第三: 自己食飯。這也令媽咪咪最欣慰, 雖然小公主都係用手食多, 同埋唔會自己食到尾, 7成飽就開始放慢手腳。但佢肯自己黎, 媽咪咪都好滿意, 暫時都冇要佢一定要用匙或叉。之所以欣慰係, 出街食飯時, 小公主都會自己食, 咁媽咪咪就有少少時間食自己o個碟, 唔洗話吓吓都冇啖熱飯食吓。

第四: 講電話。今日同婆婆講電話, 小公主能自己跟婆婆進行少部份對答, 不用媽咪咪在旁”教路”。

又放任地追書到現在凌晨4時45分。今次是讀《追風筝的孩子》。

前兩日, 小公主把我的枕袋弄髒, 於是枕頭有兩日是光著身子。第三日, 小公主睡醒, 發現媽咪咪把枕頭套上洗好的枕袋, 跟前兩天不一樣, 嚷著要”揭開”(即係要把枕袋除下)。媽咪咪試著解釋枕袋可以保持枕頭清潔, 可以美觀一些云云, 可是小公主仍然堅持要”揭開”, 媽咪咪也堅持唔”揭開”。小公主開始哭鬧, 媽咪咪也就更堅持唔”揭開”。哭鬧了大約10分鐘, 爸bu也被吵醒, 和媽咪咪同一陣線。小公主終於死死氣收聲, 食奶去。

媽咪咪明白小公主很愛身邊的事情, 有規律地發生。但媽咪咪又唔明, 枕頭一向都有套上枕袋, 為何兩日後再套上換來咁大反應。哎, 百思不得其解! 不過媽咪咪就這個個案, 開始明白點解小公主會咁固執, 正如媽媽阿四之前嘅<<媽媽開門幾件事>>提到: 醒醒定, 人在做, 人仔在看!

點解有啲人嘅質素會咁……差,仲要係中國人, 一次又一次令個啲係手無寸鐵嘅小生命受到咁大嘅傷害。