California Academy of Sciences (加州科學館)
十月 28, 2008 at 23:14 | In 戶外活動 | Leave a CommentTags: 美國, Golden Gate Park (金門公園), Museum, San Francisco
California Academy of Sciences (加州科學館) 重新開放, 爸bu於是襯回港前放假一天, 在免費日(每月第三個星期三)帶小公主見識吓。
我們大約十二點半到達, 嘩, 好多人喎, 要排隊添, 條隊仲要神龍見首不見尾。
好不容易行到龍尾, 有個職員話要等兩個鐘, 媽咪咪即時打退堂鼓啦, 但爸bu就話等一下, 因為觀察到條隊都行得幾快。終於排咗一個鐘左右就入到去, 但小公主已經瞓咗。
媽咪咪同爸bu就坐低食吓嘢先, 冇幾耐小公主就瞓醒, 旅程開始, 但內裡都好多展覽館要排隊, 所以我們也只集中逛水族館。
留得最多時間就係响個遊戲室度。
新嘅科學館講到個屋頂鬼咁正, 唓, 冇咩特別姐!
(叫小公主同爸bu影相, 佢爭扎)
(叫佢同媽咪咪影就笑晒!)
同場加映: 小公主臂力的表現! 最後仲比個食招叔叔勸喻要佢落地。
我唔得閑呀!
十月 25, 2008 at 23:56 | In 家居篇 | 3 CommentsTags: Berkeley, 美國, 駁嘴
媽咪咪: 「菲妮過來把玩具放回玩具箱內。」
菲妮一面向相反方面走, 一面說: 「我唔得閑呀!」
比人搶嘢!
十月 18, 2008 at 23:52 | In 戶外活動 | 2 CommentsTags: 玩具, 搶
小公主玩玩吓, 有人搶佢啲玩具, 你估佢會點?
有需要教佢和平啲嘅辦法嗎? 又應該教佢點應付呢?
黃子華–兒童不宜
十月 16, 2008 at 23:10 | In 媽咪咪無聊事件薄 | Leave a CommentTags: 睇, 笑, 化妝, 棟篤笑
以前很喜歡黃子華, 他大部份的棟篤笑媽咪咪都睇過晒(現場或影碟), 有時無聊都會攞啲DVD返睇, 特別喜愛嘅有《娱樂圈血淚史》﹑《跟住去邊度》及《秋前算帳》。
可惜近年對他的熱愛不復當年, 唔知係自己改變咗, 還是係佢冇以前咁好橋, 早幾日睇《兒童不宜》, 雖然都有好好笑嘅位, 總覺得無之前個啲咁正。
在《兒童不宜》中我覺得最好笑嘅係這兩段:
這段仲要係encore黎架添……
兩歲後－曳嘢篇
十月 12, 2008 at 01:06 | In 成長篇 | 2 CommentsTags: 睇書, 睬你都傻, 兩歲後, 十問九唔應, 掟嘢, 三催四請, 激死
之前講咗小公主兩歲後的進步, 今次講吓啲曳嘢。
第一項: 十問九唔應
對於一些小公主唔想做嘅事情, 十問九唔應嘅程式就會被啟動, 最經常嘅兩個狀態有
a).繼續埋首自己玩緊嘅嘢, 又或者
b).走去一些佢以為你耐佢唔何嘅地方, 例如牆角。
第二項: 三催四請
對於一些小公主唔想做嘅事情, 但又知媽咪咪一定要佢做到為止嘅事, 三催四請嘅情況就會出現。狀況就係媽咪咪不停重複又重複講要小公主做嘅事, 見佢停就講, 見佢停又講。而小公主就愛理不理咁做吓停吓﹑做吓停吓。
第三項: 睬你都傻
有啲危險嘅舉動, 你叫佢停咩? 佢就睬你都傻, 繼續做完又做。
第四項: 掟嘢
如果小公主揸住一啲嘢唔想比你, 而你又要攞; 又或者有人想搶佢手上面嘅嘢, 佢就會將果樣嘢掟開, 採取一拍兩散嘅策略。
——-
對於上述嘅四個情況, 媽咪咪都冇咩特別有效嘅處理方法, 亦都比小公主激到死死吓。也有跟其他媽媽分享吓咁, 知道大多數兩歲左右嘅小朋友都會咁樣。正在積極睇書, 嘗試找尋解決辦法。哎!
唱歌
十月 10, 2008 at 00:59 | In 成長篇 | 3 CommentsTags: Berkeley, twinkle twinkle little star, USA, 兩歲一個月, 有隻雀仔
有咩開心過執到金?
十月 10, 2008 at 00:28 | In 媽咪咪無聊事件薄 | Leave a CommentTags: Berkeley, twinkle twinkle little star, USA, 唱歌, 有隻雀仔
媽咪咪開始收拾東西, 準備搬。 首先係小公主唔啱著嘅衫, 睇吓邊啲要, 邊啲唔要; 邊啲今次攞, 邊啲下次返黎先攞。之後就到媽咪咪自己啲衫, 又係睇吓邊啲要, 睇吓邊啲唔要; 邊啲今次攞, 邊啲下次返過黎攞。於是就見到一堆以前嘅褲, 心想呢啲都係揼得架嘞, 但又唔憤氣喎, 於是著上身試吓, 呵! 點知又著到喎, 只有一條塞到扣唔到, 其他全部都可以著得返本來面貌。嘩! 開心到呢! 少有地覺得收拾唔係咁慘囉!
兩父女
十月 8, 2008 at 13:57 | In 家居篇 | 4 CommentsTags: Berkeley, 無聊, 跑, USA
兩父女, 無無聊聊在家跑﹑跑﹑跑
據稱他們穿著號碼衣！
香港理工大學北加州員生會
十月 4, 2008 at 01:42 | In 戶外活動 | 2 CommentsTags: 2008北京奧運, Berkeley, USA, 四川災後重建, 好乖
香港理工大學校長潘宗光教授將於年底榮休, 香港理工大學北加州員生會為他舉行送別晚宴, 我們舉家出席支持﹑支持。
上一次出席員生會活動, 响小公主出世無耐, 潘校長為柏克萊大學華人學生舉辦一個招聘講座後, 跟員生會晚宴, 我地都有帶埋小公主一齊去。
今次再見小公主已經識行識走。
小公主今日嘅表現真係值得一讚, 晚宴開始之前, 潘校長為我們簡介理大近期的發展: 如何參與2008北京奧運, 如何幫助四川災後重建及如何配合(3-3-4)學制, 大大話話都講咗大半個鐘, 小公主就自己吃吓餅, 畫吓畫咁, 冇唔耐煩。上菜時又安靜地食飽才要求落地玩, 真係好乖, 好底鍚! 個個Auntie, Uncle 都讚佢。
(與潘校長合照— 如果小公主升學係需要做個人簡介簿, 媽咪咪會考慮將這張合照放埋入去, 哈哈!)
(與校長的助理Amy合照)
後記: 睇返啲相, 唯一一個無咩變樣嘅好似係校長喎
Blog at WordPress.com. | Theme: Pool by Borja Fernandez.
Entries and comments feeds.
