菲妮公主事件簿

今年是小公主第二次逛年宵, 似懂非懂的行逛著。

有聰明的商人把玩具放到她手裡, 還那裡會放手。

我為了一餐飯, 在廚房團團轉了幾個鐘, 妳出奇地乖乖一時自己玩, 一時同其他人玩, 直至我把最後一隻碗洗好, 才好好纏著我。

沖好涼, 換好衫, 準備瞓覺時, 妳望著我, 笑咪咪地說:『 我好掛住妳』, 再給我一個大熊抱, 我真的真的開心到不。得。了。

回港之後, 經常出外食飯, 於是決定由我做一餐六大一小團年飯。因為只有一個石油氣爐, 所以用了差不多四小時多去煮(係唔計買餸同事前的準備功夫), 不過都幾好食架, 我覺得。有咩食呢:

- 花膠螺頭湯

- 節瓜炆魚肚

- 金針雲耳蒸雞

- 西芹菜脯炒粒粒

- 蒸魚

- 蒸鮑魚

- 蒜蓉豆鼓蒸帶子

- 白灼蝦

原本還有豆苗和生菜, 但各人說已夠食, 又趕著飯後的活動, 於是就這樣完成了這餐團年飯了。-

小公主在港那張嬰兒床太短了, 於是爸bu同媽咪咪就給小公主換一張單人床, 床會放在另一個房, 媽咪咪為了讓小公主接受得容易一點, 事前多番跟小公主說說新床會用上妳喜愛的顔色,  新床的好處等等……

新床送來了, 小公主比媽咪咪預期的興奮, 床一裝好, 就急不及待的上去玩, 還發明一個新玩法:

媽咪咪希望小公主這一份創意可以一直保持下去。媽咪咪預計小公主要兩個多月的時間才可獨個兒在新床一覺到天光。

同場加影另一名創意小孩的作品:

不按理出牌

小公主近期好多說話, 除咗不時同你雞叮唔斷之外, 佢仲會一路同自己講, 常見嘅情景有:

1. 打電話

在褲頭, 作狀將電話取出放到耳邊, 講一輪之後收線, 再作狀將電話收番响褲頭。

2. 打麻雀

雙手作洗牌狀, 之後打一隻牌出來, 邊打邊叫: 三萬﹑紅中。最後在右手邊作狀攞錢, 比錢。

3. 講故事

對著任何書﹑紙張, 指指點點, 自己同自己講故事。

阿公終於可以星期六休息, 於是星期日早上就一起到太平山頂行山去, 同行還有阿E一家人。

小公主第一次行山, 行了很多, 玩到興奮非常,

最後有點失控, 為免阿E粗身大細咁等佢太耐, 大約仲有正常人15分鐘嘅腳程嘅時間, 媽咪咪於是要佢坐返上車仔, 才可加快少少, 完成路程。

小公主很喜歡船, 媽咪咪就為她安排咗一次離島之旅, 選了比較短船程嘅南丫島, 仲順道探吓住响島上嘅朋友。

小公主之前响美國都有坐過觀光船, 一路行架船都好定。今次第一次試到架船拋拋吓, 坐到一半有啲呆。

一落船, 見到海裡有魚, 就好開心, 睇到唔捨得行。之後朋友帶來狗狗一同飲茶, 最初小公主都係遠觀, 最後都有膽摸吓。

但去到友人家, 狗狗可以四圍走, 佢就一路企响梳化或者要媽咪咪抱著, 唔落地。

探訪完友人, 我們就去食阿婆豆腐花, 仲去埋洪聖爺灣玩沙,

天黑前出碼頭返中環。