菲妮公主事件簿

又係約阿妹去戶外活動, 今次去馬灣公園。

天氣太熱, 媽咪咪幫頭髮掹車邊夠長嘅小公主扎辮。

天時暑熱, 玩水就最好囉。

當然唔少得就係 bubbles time 啦。

我真係好介意, 一個我三唔識七嘅人, 問都唔問吓, 未有我或我個女同意, 就攞起你個相機影我個女。我心情好啲我會拎轉個女避開, 我心裡差嘅時間, 我會開口話你架。

表弟已經一個月大, 佢阿媽阿爸忙到癲, 我這個姨媽幫佢來個小update。表弟已經由出世6磅8增長到8磅8。

根據姨媽嘅觀察, 佢好舒服嘅時間會O咀, 例如沖緊涼或者食飽嘅時間。

雖然得一個月人, 已經好識嘢: 知道响換片枱就係換片嘅時候, 會停止撐手撐腳;

紗布放下巴就有得食, 喊喊下都即時收聲; 仲最鍾意比人抱住瞓。

這個香薰園, 媽咪咪之前一直想去, 但不是時間問題就是天氣問題未能成行, 今次和阿妹一家加埋二叔, 一行五大兩小,  終於去到了。不過由於是公眾假期, 非常多人, 可幸園內面積也大, 也沒有太擠擁的感覺。

園裡有很多活動, 小公主最渴望的就是餵羊, 一紮草, 成為五大元。

園內當然唔少得薰衣草田, 媽咪咪無去過北海道, 唔知係唔係會靚啲, 不過媽咪咪覺得這兒已經很漂亮了。

小公主在田裡跑來跑去, 玩到唔捨得停。

園內還可以撈魚, 二十元有三個"網"。媽咪咪同小公主睇咗一陣, 本有諗過比錢, 回心諗小公主一定係捉唔到, 但小公主又蠢蠢欲試, 點呢? 終於媽咪咪在一地別人用過的"網", 找一個比佢撈。小公主不疑有詐, 認真地撈, 仲攞定個盆用嚟載魚。數分鐘後就跟媽咪咪求助話撈唔到, 哈哈哈!

我們玩了三個幾鐘, 見佢兩姊妹都有倦意, 就離開。其實園內還有水槍, 製作香薰蠟燭, 燒烤場等等, 係一個一家大細去玩的好地方。