菲妮公主事件簿

咿? 細佬七個月大囉喎!

原來細佬琴日已經七個月大, 今日先醒起。

上面隻門牙破肉而出喇! 做多陣吸血鬼先啦!

一個五歲兩月, 一個六個月又三星期

好耐﹑好耐﹑好耐沒有在這裡留低一字半句了, 日日忙換片﹑餵奶﹑接返學﹑放學﹑到學校做義工﹑買餸﹑煮飯﹑陪菲妮做功課。有時間坐下開一開面書, 已經疲累得要速速上床。

菲妮返雙語學校, 進度理想, 基本國語對答迎刃有餘; 今年要學寫的字﹑認的字, 基本上之前已經識咗, 現在學國語發音及筆順為主。簡單的書也可以嘗試自己讀。英文佢自己覺得比較洩氣, 因為phonic比較弱, 生字庫又唔夠多。老師也將她編到額外支持小組, 加強她phonic的能力。數學呢, 學校仲係做數數目, 所以媽咪咪都唔理咁多, 自己在家跟她操練十位加法, 跟個位減法。但有一樣學校做得好, 就係教咗佢雙數同單數, 之前媽咪咪為教此概念無從入手。人際關係, 菲妮都OK啦, 比較喜歡跟講廣東話的小朋友玩。自理能力高咗好多, 起碼每日都記得把外套帶回家!

細佬, 下星期就七個月大, 仲唔會講嘢。開始食米糊。好鍾意同家姐玩。有不滿時會咆哮, 玩都癲時又咆哮。有牙仔三隻, 分別係下排門牙兩隻及上排右面犬齒一隻。你冇睇錯, 門牙未出, 先係隻犬齒破肉而出, 仲餵緊媽媽奶囉! 有咩攞上手就放入口, 牙癢到不得了。鍾意企。會將玩具左手交右手, 右手交左手。會坐直一陣, 大約20秒, 有玩具幫忙就可以坐好耐。可以轉身反來覆去, 會patpat"吉"起想爬。機本上六個月大識做嘅, 佢都識, 係唔識講嘢囉!