哈佬喂 (二)
十一月 8, 2009 at 17:05 | In 大時大節, 玩 | 7 CommentsTags: Berkeley, costume, 美國, 萬聖節, Halloween, Shu Ren International School, USA, Walnut Creek, 公主裙, 朋友, 樹人國際學校
今年哈佬喂雖然有多次活動, 但小公主都係忠心耿耿到做佢嘅玻璃鞋公主。
哈佬喂第一擊:
學校猫步(cat walk)派對
可惜媽咪咪無帶相機, 只有手機影嘅超低清相片。
(準備猫步中)
( 媽咪咪也玩埋一份)
有個video係小公主同一班同學仔行show, 不過媽咪咪把手機打橫了, 加上質素麻麻, 如果大家有興趣就去按這裡睇啦。
哈佬喂第二擊:
商店街Trick or treat
山長水遠去一個購物區 (Walnut Creek Broadway plaza) 玩 trick or treat, 係小公主第一次知道原來萬聖節係可以有咁多糖攞。一路行仲一路話好肚餓要食攞返嚟啲朱古力囉。
又係無相機囉, 激死!
哈佬喂第三擊:
到C姐姐鄰居Trick or treat
C姐姐住house, 鄰居把屋企佈置一番, 準備派糖果給小朋友。小公主當然收穫豐富。最開心係爸bu﹑媽咪咪﹑C姐姐同E哥哥同係一齊去攞。
生日會 (二)
八月 25, 2009 at 17:26 | In 大時大節, 成長篇, 戶外活動 | 8 CommentsTags: 生日會, 美國, San Pablo Park
雖然不能在港跟眾親友一起慶祝小公主的三歲生日, 在這裡媽咪咪跟上年一樣, 也為小公主舉行一個戶外生日會。還請了十五個大小人加兩隻狗仔朋友參加她的生日會。昨天順利完成, 多謝各位光臨, 希望大家玩得高興吧。
上年大部份的食物都是媽咪咪DIY, 連蛋糕也是自己焗。今年媽咪咪沒有那份心力, 食物全是訂購, 但全部都係小公主最愛, 例如: 燒雞肉串﹑壽司﹑忌廉泡芙﹑西瓜﹑藍梅﹑士多啤梨等等。
這是菲妮最新摰友-Titan
媽咪咪特別找了一個有一片大草地比小朋友和狗仔玩。大家估吓佢地做緊咩呢?
你睇我擇咗幾多花!
我都有好多!
我又有。
後記: 媽咪咪都覺得個蛋糕娘到死, 原本係要求全白色嘅忌廉, 但阿師父知道係比小朋友所以加咗啲花同粉紅色, 唉!
生日會 (一)
八月 25, 2009 at 03:05 | In 大時大節, 成長篇, 識飲識食 | Leave a CommentTags: 生日, 美國, Oakland Chinatown, 契嫲嫲, 三歲
小公主三歲了, 生日會嘅第一浪就係跟同日生日嘅契嫲嫲吃飯。話明係菲妮小公主, 當然要有個公主look啦。
契爺還準備了一個大蛋糕, 小公主看見高興到不得了, 仲急不及待用手指點啲忌廉來吃。
話時話媽咪咪來了幾年, 還是接受不了這些蛋糕忌廉的顏色。不過那些蛋糕可口鬆軟, 小公主也很欣賞, 差不多自己吃了一大件。
生日會第二浪是戶外生日會, 在剛過去星期日舉行。
情人節
二月 16, 2009 at 02:46 | In 大時大節, 戶外活動 | 5 CommentsTags: 香港, 海洋公園
今年情人節媽咪咪放棄安排二人世界，決定一家人慶祝。但由於情人節在星期六, 媽咪咪怕人多, 於是選早一日慶祝, 節目係—-帶小公主遊海洋公園。
媽咪咪同爸bu 一直都希望帶小公主遊海洋公園, 本應都想跟阿公﹑阿婆﹑阿E等等同遊, 但要等埋一齊, 就多數要星期六﹑日, 媽咪咪真係好怕人山人海嘅情況, 所以就決定一家人去。
在公園內, 我們都是做一些standard嘢: 去吓熊貓館﹑
坐登山纜車﹑
參觀水母館﹑海洋館及食住爆谷睇海豚海獅表演
等等。
叫小公主最興奮嘅部份就係兒童王國, 有小公主最心愛嘅旋轉木馬
及各式各樣嘅滑梯。
其中最特別嘅係小公主第一次自己玩機動遊戲,
玩到唔捨得走。
這個慶祝活動, 大家都玩得好開心, 尤其係媽咪咪, 有兩個愛人陪我; 另外小公主當日表現好好, 無扭計之餘, 仲好聽話, 所以玩得好舒服。
Blog at WordPress.com. | Theme: Pool by Borja Fernandez.
Entries and comments feeds.
