跟婆婆做運動
03/19/2011 at 00:16 | Posted in 學, 家居篇, 戶外活動 | Leave a commentTags: 美國, 運動, 太極, 婆婆, 平台花園
婆婆已到美國陪媽咪咪待產有兩個幾星期。
婆婆有做太極嘅習慣, 由於老二遲遲未肯面世, 婆婆於是有時間每日出去平台花園做吓運動, 小公主當然無執輸, 要做埋一份。
流行曲
10/12/2010 at 22:24 | Posted in 學 | 4個回應Tags: 美國, USA, 唱歌
小公主近期很喜歡媽咪咪聽的幾首英文流行曲, 聽了一兩次已朗朗上口。第一次發現原來小公主也有不差的音樂感。
這首小公主聽了一次就跟住唱: It’s too late to apologize!
這首在友人車內聽了一次, 回家沖涼時, 小公主把副歌哼出來; 在youtube再聽已可以唱: Please don’t stop the music.
這首因褔祿壽的關係, 小公主也經常叫媽咪咪開比佢聽。
畫班
10/04/2010 at 00:12 | Posted in 學, 文化藝術 | 4個回應Tags: 畫畫, 美國, 興趣班, Oakland, USA
媽咪咪終於立心為小公主找畫班, 在家附近的亞洲文化中心找到了一個星期六下午一小時課程, 雖然十萬個不願在星期六要陪太子讀書, 也替小公主報了名。這是第一日的作品:
因老師以為我們沒有顏色筆, 給小公主一枝鉛筆畫著, 然而小公主的小手袋係有一套顏色筆, 可以大派用場。
於是, 再用顏色筆畫。
之後再畫一些基本嘢: 蘋果﹑橙。
媽咪咪的新髮型
05/04/2010 at 22:59 | Posted in 學, 有樣學樣 | 2個回應Tags: 美國, 說話
那天媽咪咪為她新髮型鬧神鬧鬼, 小公主聽見安慰媽咪咪說:「妳唔好唔開心啦, 佢唔覺意姐, 佢唔係有心嘅, 妳唔好嬲佢啦!」
(小公主三歲7個月)
說話
04/28/2010 at 00:47 | Posted in 學 | 6個回應Tags: 美國, 說, USA
媽咪咪今天第一次聽見小公主在不需要幫忙下, 能跟外國人對答得頭頭是道。很驚訝!
我們在家說粵語; 學校老師說國語; 小公主只有在每星期兩小時的遊戲班上才真正會用英語。媽咪咪知她會聽﹑會說很多英語, 平時都係人有人講, 佢有佢講, 要人用中文提吓先答得上。但想不到她現在能交談﹑對答。環境對學習是如何重要。
自製認字表
03/02/2010 at 08:48 | Posted in 學, 家居篇 | 2個回應Tags: Berkeley, 玩, 畫, 美國, USA, 學, 中文
在香港學習的小朋友, 大部份都被迫自己同自己賽跑, 誓要跑在最前。小公主有幸(?!)不用在這樣的環境下渡過她的童年, 但媽咪咪作為土生土長香港人, 對小公主來些趨谷, 在所難免, 尤其在中文方面, 媽咪咪更常常提醒自己要比啲心機, 唔好令小公主做個中文盲。
上中文學校(雖然這裡唔到五歲, 係唔會正式教寫字囉); 去亞洲圖書館; 每次回香港, 中文書上倉搬回來; 另加一些卡通﹑認字表﹑認字咭諸如此類。到目前為止, 總算略有少成, 小公主廣東話說得清楚, 也是最能表達自己的語言; 普通話也學得不錯, 在家總自顧自的說三道四, 最愛扮老師, 叫同學做呢做嚕; 但識字嘛, 好像一些簡單的還未懂得。
於是:
媽咪咪在小公主自己畫加上文字, 自製認字表, 也是小公主的中文課啊。希望在這種的邊玩邊學情況下, 小公主能保持興趣。
-
應吓我啦!
凱允媽媽 on Letter to Santa 寄封信給聖誕老人 菲妮媽 on 咿? 細佬七個月大囉喎! 凱允媽媽 on 咿? 細佬七個月大囉喎! 菲妮媽 on 踏板車 菲妮媽 on 一個五歲兩月, 一個六個月又三星期 凱允媽媽 on 踏板車 凱允媽媽 on 一個五歲兩月, 一個六個月又三星期 菲妮媽 on 上小學了 凱允媽媽 on 上小學了 凱允媽媽 on 換牙
Blog at WordPress.com. | Theme: Pool by Borja Fernandez.
Entries and comments feeds.
