菲妮公主事件簿

二叔和三叔一家約我們在爸bu臨走前到迪士尼酒店吃自助午餐去。有米老鼠, 小公主好興奮。

食物水準不過不失, 最優惠係小公主: 免費不過好食得。 哈哈!

午餐跟涷檸水。

小公主 (飲不停) : 『好好味呀!』

媽咪咪: 『比媽咪咪飲一啖啦?』

小公主:『好呀, 飲一啖啦, 唔好飲兩啖三啖, 要留番比我。』

回港之後, 經常出外食飯, 於是決定由我做一餐六大一小團年飯。因為只有一個石油氣爐, 所以用了差不多四小時多去煮(係唔計買餸同事前的準備功夫), 不過都幾好食架, 我覺得。有咩食呢:

- 花膠螺頭湯

- 節瓜炆魚肚

- 金針雲耳蒸雞

- 西芹菜脯炒粒粒

- 蒸魚

- 蒸鮑魚

- 蒜蓉豆鼓蒸帶子

- 白灼蝦

原本還有豆苗和生菜, 但各人說已夠食, 又趕著飯後的活動, 於是就這樣完成了這餐團年飯了。-

小公主好鐘意食茄汁, 所以媽咪咪不時都會煮蕃茄意粉, 你睇小公主食得幾開心。

菲妮大戰雞中翼, 片長3分幾鐘架, 比D耐性啦!

媽咪咪真係好鐘意睇菲妮o既食相架!

註: 睇完大家知道如果菲妮做事唔專心, 一定係受爸bu o既影響。

阿婆讀完小公主o既物物初體驗, 常常提媽咪咪唔好比小公主食咁多薯條, 媽咪咪已經再三解釋小公主只係食茄汁, 唔係食薯條, 為咗令阿婆釋懷, 媽咪咪錄咗這條片

小公主好鍾意食意粉，但媽咪咪只係識用罐頭湯做白汁；不過罐頭湯好重鹽份，對小公主唔好，又唔想成日做茄汁意粉咁悶。 終於比媽咪咪學到用忌廉做o既白汁，其實只係忌廉加雞蛋，好容易又健康得多，於是做咗個白汁三文魚意粉，好唔好味? 小公主食咗一碗半，你話呢。

不過媽咪咪覺得今次用half & half (即一半成份係鮮奶一半成份係忌廉)，個汁好似薄咗D，下次試吓用heavy cream。