菲妮公主事件簿

偷懶晚餐

蜆肉鮮茄意粉伴蒜茸包。

爸bu很喜歡, 小公主不愛, 最後只肯把所有蕃茄吃掉。

包水餃?包雲吞?

媽咪咪好掛念婆婆啲水餃, 決定要自己試吓做。可惜今次只找到雲吞皮, 都試吓啦。

當然小公主也來幫忙。

做好自己食番, 好開心呀!

小公主跟媽咪咪一樣, 鍾意食皮多過食餡, 哈哈!

蒸水蛋

小公主很喜歡吃蒸水蛋, 所以媽咪咪對蒸水蛋都有啲心得。而爸bu跟小公主一樣都係無肉不歡。於是有日媽咪咪就試吓蒸猪肉加蛋。第一次估唔到又幾好喎。

做法:

1. 大約1/3磅攪碎的梅頭猪肉。(鍾意可以自己剁)

2. 用沙糖﹑豆粉﹑生抽﹑油和水略醃。

3. 然後將肉薄薄舖在碟上, 大火, 水滾後隔水蒸約八分鐘。

4. 雞蛋兩隻, 拌勻加一百毫升涷滾水。(其實幾多蛋都可以, 每一隻大蛋加五十毫升水便可)

5. 猪肉蒸好後取出, 把多餘水份倒去, 加上蛋液,

6. 用鍚紙把碟面蓋上, 放入滾水再隔水蒸兩分鐘後, 關火。

7. 不要立即將猪肉蛋。待八分鐘後才開蓋把猪肉蛋取出。加生抽。

8. 食。

如只蒸水蛋:

1. 雞蛋四隻, 拌勻加200毫升水。

2. 用鍚紙把碟面蓋上, 放入滾水再蒸兩分鐘後, 關火。

3. 不要立即將蛋取出。待八分鐘後開蓋把蛋取出。加生抽。

4. 食。

每個火爐火力唔同, 要試一兩次才可以掌握到架!

蛋撻

在這裡的餅店幾乎全是買酥皮蛋撻, 要找曲奇餅皮蛋撻好難。媽咪咪心血來潮, 決定試做一次。

焗之前似模似樣;

焗好外觀不太完美, 但味道得到一家人的認同! 總算成功。

食譜出於這裡。