菲妮公主事件簿

相來了(一)

菲妮媽 — Mon, 23 Nov 2009 08:08:55 +0000

第一日 – 入住酒店

(為了令小公主舒服些, 媽咪咪响起飛後係幫小公主換上睡衣, 但落機後又懶幫佢換番普通衫, 一心想著到酒店後即沖涼)

晚上跟一班從香港來開會的師兄弟妹吃飯。

第二日 – Magic Kingdom

一入到公主就見到Pluto, 條人龍仲唔係好長, 即刻同佢合照先。初初以為小公主會怕咗佢地咁大隻, 點知又無喎, 仲鬼咁鍾意添。

嘩! 有聖誕節裝飾喇, 仲有個職員幫忙影相, 正!

第一個項目, 坐小火車(省下媽咪咪不少腳程)到主人米奇個家。

小公主見其他小朋友有本簿比啲卡通人簽名, 有鋪買簿瘾嘅小公主當然想買, 媽咪咪都心軟如佢願, 比佢開心吓。

到達米奇間屋, 小公主好興奮。

之後仲同屋主影番張相。

响米奇間屋出嚟見到這個過山車嚷著要玩, 好就比妳試吓! 上去之前, 媽咪咪已經話比小公主知係好快, 佢死話OK。點知佢玩完話最鍾意。大膽鬼!

小公主又點可以唔同公主影相呢!

仲有五分鐘就開始巡遊, 都可以在睡公主城堡前找到好位。

雖然小公主唔知巡遊係咩, 但都耐心等候。

睇完巡遊, 繼續行程。在Bibbidi-Bobbidi-Boo Boutique(一間令小朋友變成小公主嘅商店)門外,

Bibbidi-Bobbidi-Boo (令灰姑娘變公主嘅咒語)

之後就一頭都係金粉, 洗咗四日先洗晒。

跟維尼熊歷奇。

坐飛象。

睇3D電影。

當然唔少得食啦!

除咗上面果啲, 小公主仲玩咗: 小小世界, 白雪公主驚嚇旅程, 怪獸公司講笑話, 旋轉木馬, 等等。

唔好以為玩得好多, 我地遊咗半個園都無就係時候講Bye Bye。

第三至五日嘅相, 要等下個post。

Posted in 戶外活動 Tagged: 玩, 美國, Disneyworld, 迪士尼, magic kingdom, Orlando, Play, USA, 奧蘭多

阿茂公主

菲妮媽 — Sat, 21 Nov 2009 19:15:05 +0000

小公主這兩個月有很多假期, 媽咪咪又要動腦筋安排節目, 最簡單一樣就係整餅。今次係新嘗試, 朱古力蛋糕。成功!

第一次用攪拌器好興奮。

加麵粉及可可粉。

餅模。

15分鐘後食得。Yum yum!

朱古力蛋糕食譜

材料

面粉40克
可可粉10克
泡打粉(baking powder)1克
無鹽牛油15克
蛋糕2隻
砂糖35克
橙汁20克
香草油及糖霜少許

做法:

面粉﹑可可粉和泡打粉混合篩勻; 牛油坐溫水至溶。
蛋和糖打起呈乳白色, 加入面粉﹑橙汁及香草油拌勻, 再加入牛油熔液拌勻, 倒入模內約八分滿。
180度焗13-15分鐘。
蛋糕出爐後, 待5-10分鐘, 退模, 撤上糖霜。
食。

Posted in 家居篇 Tagged: baking, Berkeley, chocolate fudge, 焗蛋糕, 美國, 食, USA, 朱古力蛋糕, 柏克萊

小小模特兒

菲妮媽 — Wed, 18 Nov 2009 18:29:38 +0000

之前回覆凱允媽媽說小公主現在會自己擺唔同嘅pose比我地同佢影相, 下面個短片就係小公主自己不停擺咗12個pose, 每個pose仲會定一定比你影咗, 佢先換另外一個pose架。

Posted in 成長篇 Tagged: 美國, Disneyworld, 荷里活影城, hollywood's studio, Orlando, photo taking, posing, USA, 奧蘭多, 影相

奧蘭多 (Orlando)

菲妮媽 — Tue, 17 Nov 2009 07:22:53 +0000

爸bu到奧蘭多出席學術會議, 媽咪咪帶同小公主, 五日四夜, 舉定家一起向米老鼠嘅夢幻樂園出發。由於相片處理需時, 這裡先來一個預告。

第一日

早上十一時左右到達, 入住酒店及午餐後已經十分疲累(我們在三藩市午夜登機), 約好友人晚飯時間後, 就返房大覺瞓。晚上跟媽咪咪在香港來的友人晚餐, 媽咪咪很高興可以與好友見面啊! 小公主也很高興見到P姨姨啊! 多謝她千里遙遙給小公主帶來阿姨買的玩具和阿婆買的睡衣。

第二天

爸bu開會, 媽咪咪帶小公主到米老鼠四個其中一個主題樂園 – 神奇王國 (Magic Kingdom), 玩了一整天, 最後小公主係一面喊一面走, 因為佢完全唔想走囉。

第三日

上午到了Downtown Disney, 砌Lego及午餐; 下午就到暢貨中心(Factory outlet)。

第四日

到米老鼠其餘那三個主題樂園 – 動物王國 (Animal kingdom)﹑荷里活影城 (Hollywood’s studio) 及艾波卡特中心 (Epcot)。

第五日

回程

Posted in 戶外活動 Tagged: American Academy of Optometry, animal kingdom, Disneyworld, downtown disney, epcot, 迪士尼, factory outlet, Florida, hollywood's studio, lego, magic kingdom, Marrito World Center Hotel, Orlando, USA, 奧蘭多, 佛羅里達州

校園沙龍

菲妮媽 — Mon, 09 Nov 2009 10:29:38 +0000

美國的學校每年都會為學生照沙龍, 今次是菲妮第一次照影樓形式照片。拍攝當天校長和老師都告訴媽咪咪菲妮很會擺pose。

攝影師給菲妮拍了三個pose; 其中一張印在午餐袋上免費送你。別的你要就要花費。要齊佢印出來十二張不同大少格式加上數碼檔案, 盛惠美金140大元。爸bu一向不喜歡影樓形照片, 媽咪咪就覺得效果一般, 於是以17大元買了一張做個紀念。

免費午餐袋。

印在午餐袋上的照片。

另一張照片。

Posted in 上學去 Tagged: Berkeley, 照片, 美國, lunch bag, photograph, portrait, Shu Ren International School, USA, 午餐袋, 樹人國際學校, 沙龍

哈佬喂 (二)

菲妮媽 — Sun, 08 Nov 2009 09:05:45 +0000

今年哈佬喂雖然有多次活動, 但小公主都係忠心耿耿到做佢嘅玻璃鞋公主。

哈佬喂第一擊:

學校猫步(cat walk)派對

可惜媽咪咪無帶相機, 只有手機影嘅超低清相片。

(準備猫步中)

( 媽咪咪也玩埋一份)

有個video係小公主同一班同學仔行show, 不過媽咪咪把手機打橫了, 加上質素麻麻, 如果大家有興趣就去按這裡睇啦。

哈佬喂第二擊:

商店街Trick or treat

山長水遠去一個購物區 (Walnut Creek Broadway plaza) 玩 trick or treat, 係小公主第一次知道原來萬聖節係可以有咁多糖攞。一路行仲一路話好肚餓要食攞返嚟啲朱古力囉。

又係無相機囉, 激死!

哈佬喂第三擊:

到C姐姐鄰居Trick or treat

C姐姐住house, 鄰居把屋企佈置一番, 準備派糖果給小朋友。小公主當然收穫豐富。最開心係爸bu﹑媽咪咪﹑C姐姐同E哥哥同係一齊去攞。

Posted in 玩, 大時大節 Tagged: Berkeley, costume, 美國, 萬聖節, Halloween, Shu Ren International School, USA, Walnut Creek, 公主裙, 朋友, 樹人國際學校

哈佬喂

菲妮媽 — Tue, 03 Nov 2009 08:11:42 +0000

一年一度哈佬喂又過去, 小公主今年活動豐富, 不過佢媽咪咪好幾次都忘記帶相機, 只有啲用手機影嘅相, 另外朋友影的又未到手, 媽咪咪又忙到死, 所以個博客就hold住先。請等等!

Posted in 特別通告 Tagged: 美國, 萬聖節, Halloween, USA

好掛住妳呀!

菲妮媽 — Wed, 28 Oct 2009 05:38:42 +0000

小公主和J兩人仔因為開始返學的關係, 見面減少了。可是小公主沒有忘記好友, 反而非常掛念J。媽咪咪買東西給她時, 經常話要買埋J的那份。今個星期適逄學校每兩個月一次嘅搵笨一星期大假, 於是媽咪咪就約好兩位小好友去公園玩個夠。

手拖手去玩;

一齊爬高爬低;

一齊騎馬仔;

一齊談天說地;

一齊吹泡泡。

很盡興的一天。

Posted in 友誼萬歲, 戶外活動 Tagged: 玩, 美國, Union City, USA, 公園, 朋友

白雪何價?

菲妮媽 — Fri, 23 Oct 2009 00:05:27 +0000

多謝! US$150呀!

Posted in 媽咪咪無聊事件薄 Tagged: 美國, Dress up, Snow White, USA

白雪公主

菲妮媽 — Wed, 21 Oct 2009 17:46:00 +0000

那天在米老鼠間商店見到這條公主裙, 看看價錢後, 媽咪咪和友人都大叫: 痴線架! 大家估吓買幾錢?

Posted in 媽咪咪無聊事件薄 Tagged: 美國, Diseny Store, Dress up, Princess, Snow White, USA